Детская газета Марий Эл


«Ӱшан оҥго» («Круг доверия») онлайн-марафон

17 майыште Йоча ўшан телефонын тўнямбал кечынже «Ӱшан оҥго» («Круг доверия») онлайн-марафон шке пашажым тўҥалеш. Мероприятийын организаторжо – неле илыш ситуацийыште улшо йоча-влаклан полшышо Фонд. Марафон 10:00 гыч 14:00 марте МИА-ште «Россия сегодня» ток-шоу формат дене эрта. Вияш трансляцийым интернетыште ончен кертыда. 

Студийыште кумдан палыме артист, мурызо, видеоблогер ден спортсмен-влак вашмутым пуаш, шке илышышт нерген ойлаш тўҥалыт. Тыгак психолог-эксперт-влак Йоча ўшан телефонын (8-800-2000-122) пашаж дене палдарат. 

Тўрлӧ регионла гыч участник-влак шке йодышыштым але темлымашыштым возен але видеош войзен электрон почто дене да «ВКонтакте» соцсетьышке марафонын тўшкашкыже колтен кертыт. Эн пўсӧ йодыш-влаклан вашмутым студийыште колаш лиеш. 

Вияш трансляцийыш ушнан манын, теве мом ыштыман: 
– www.8-800-2000-122.ru cайтыш пураш да мышке дене темдалын, келшыше вещаний каналым ойыраш; 
– марафонын трансляцийжым тыгак www.telefon-doveria.ru адрес дене «Йоча ўшан телефонын» cайтыштыже ончаш лиеш. 

Студийыште школысо нагрузко, экзамен дене кылдалтше тургыжланымаш, ўдыр ден рвезе кокласе вашкыл, икымше йӧратымаш, интернетысе лӱдыкшыдымылык, ача-ава ден йоча кокласе вашумылымаш йодыш-влакым каҥашаш тўҥалыт. 

www.8-800-2000-122.ru – «Ӱшан оҥго» («Круг доверия») марафоным эртарен колташлан лўмын ыштыме сайт: тыштак онлайн -марафон деч ончыч эртарыме «Активируй доверие» усталык конкурс да интернет флешмоб нерген пален налын кертыда; 
www.telefon-doveria.ru – Йоча ўшан телефонын эре пашам ыштыше официальный сайтше; 
krugdoveria@telefon-doveria.ru – организатор ден координатор-влакын электрон адресышт; 
vk.com/krugdoveria2018 – «ВКонтакте» соцсетьыште «Ӱшан оҥго» («Круг доверия») марафонын лаштыкше. 

Организаций дене кылдалтше йодыш-влаклан Алиса Колесова (+7(495) 223-00-52, +7(925) 857-27-27; kolesova@lekich.ru) вашешта.

 

Шонымыдам возыза





Символым шындыза
*